Rumania është bërë vendi i parë në Europë që njofton zyrtarisht se shkollat dhe kopshtet, si dhe universitetet, do të qëndrojnë të mbyllura deri në fillim të vitit të ri akademik, në shtator.
Klasat online, të cilat rifilluan në 27 Prill pas pushimit të Pashkëve, do të vazhdojnë deri më 12 qershor.
“Ekziston një rrezik i madh që fëmijët të sjellin koronavirusin në shkollë, ose ta marrin virusin në shtëpi. Ne pamë se çfarë ndodhi në një rajon të Francës, ku shkollat u rihapën. Fatkeqësisht, rezultatet nuk ishin inkurajuese. Qindra fëmijë u testuan pozitivë, dhe dhjetëra mësues përfunduan në kujdesin intensiv.” tha presidenti i vendit, Klaus Iohannis.
Pas një njoftimi javën e kaluar se Rumania do të fillonte të lehtësonte kufizimet e bllokimit në 15 maj, pritej që shkollat të rifillonin orët e mësimit menjëherë pas kësaj date.
Sidoqoftë, do të ketë përjashtime për fëmijët në vitet VIII dhe XII, të cilët do të ndjekin shkollën nga 2-12 qershor në mënyrë që të përgatiten përkatësisht për pranimet në shkollë të mesme dhe provimet bachelor. Edhe në këto raste, përmasat e klasës do të kufizohen në vetëm 10 nxënës.
Lajmi që shkollat nuk do të rihapen ka bërë që shumë në Rumani të pyesin nëse kufizimet e bllokimit do të lehtësohen siç u njoftua më parë, më 15 maj.
Presidenti nuk ishte inkurajues.
“Ju keni parë të gjitha shifrat e fundit,” tha ai, duke iu referuar numrit të rasteve të reja të konfirmuara të Covid-19, “më shumë se 400 dje, më shumë se 300 sot. Fatkeqësisht, në asnjë mënyrë nuk mund të flasim për një ngadalësim të shkallës së infeksionit. ”
Rumania numëron 11,339 raste të konfirmuara të Covid-19, përfshirë 619 vdekje – numri më i madh në rajonin e Europës në zhvillim. /Monitor
