Tensionet në selinë e PD, ndërhyn Policia e Shtetit, merr në mbrojtje godinën

Policia e Shtetit ndërhyri në protestën në selinë e Partisë Demokratike, në bazë të një kërkese të bërë nga një grup deputetësh të Partisë Demokratike. “Policia e Shtetit është gati për të ndërhyrë në ndihmë të deputetëve që kanë kërkuar ndihmë dhe u bën thirrje protestuesve që të distancohen menjëherë nga aktet e shkatërrimit të…

Policia e Shtetit ndërhyri në protestën në selinë e Partisë Demokratike, në bazë të një kërkese të bërë nga një grup deputetësh të Partisë Demokratike.

“Policia e Shtetit është gati për të ndërhyrë në ndihmë të deputetëve që kanë kërkuar ndihmë dhe u bën thirrje protestuesve që të distancohen menjëherë nga aktet e shkatërrimit të pronës dhe aktet e dhunës. Policia e Shtetit u bën thirrje organizatorëve të protestës që të përmbajnë protestuesit dhe të shmangin çdo rast dhune, sepse do përballen me ligjin”, lexohej në deklaratën e policisë para se të ndërhynte.

Brenda disa minutash, policia qetësoi situatën dhe mori në mbrojtje selinë e Partisë Demokratike.