Foto/ Ja kush është 33-vjeçari që iu bë atentat në Lungomare

Personi që shihni në foto është Indrit Sadedini, 33-vjeçarit të cilit sot iu bë atentat me eksploziv në zonën e Lungomares në Vlorë.

Pista që dyshohet të jetë shkak i atentatit të Sadedinit është trafiku i drogës, ku ky i fundit ishte i përfshirë.

Sadedini dyshohet se ka qënë duke kaluar poshtë pallatit të tij dhe në momentin që ka kaluar pranë një trotuari aty ka shpërthyer lënda plasëse tip tritol.

Në pamjet e siguruara nga Top Channel shihet 33-vjeçari i shtrirë përtokë, ndërsa policia ka rrethuar zonën e ngjarjes.

Indrit Sadedinit edhe para katër vitesh i është vënë një sasi tjeter lënde plasese më makinën e tij, por e pikasi në kohë dhe u hoq nga forcat xhenjerë.

Ndërkohë policia ka gjetur një makinë të djegur në zonën e Babicës, e cila dyshohet të jetë e autorëve të ngjarjes.