Mbahet sot raundi i dytë i zgjedhjeve lokale në 44 komuna të Maqedonisë së Veriut.
Të drejtën e votës e kanë 1.353.990 votues që do të votojnë në 2481 vendvotime.
Në këtë raund të dytë zgjedhjesh votuesit zgjedhin mes dy kandidatëve që fituan më shumë vota në raundin e parë.
Në raundin e parë u zgjodhën kryetarët e 34 komunave, ku VMRO-DPMNE-ja fitoi postet e kryetarëve në 22 komuna, Lidhja Social Demokrate në 9 dhe Bashkimi Demokratik për Integrim në 3 komuna. Maqedonia e Veriut ka në total 80 komuna.
Në 2 komuna nuk do ketë votime sot sepse nuk është arritur censusi i daljes në raundin e parë (së paku një e treta e votuesve).
Raundi i dytë sot do të monitorohet nga 1598 vëzhgues, prej të cilëve 368 janë të huaj.