Shpërthimi i tubacionit të naftës në Ballsh/ Policia Arrestohet shefin e sigurimit teknik në kompaninë private, nuk mori masat e sigurimit teknik

Ditën e sotme është vënë në pranga një 40-vjeçar pas shpërthimit në tubacionin e naftës që ndodhi ditën e djeshme në një firmë private në Ballsh.

Policia bën të ditur se i arrestuari është shef i sigurimit teknik pranë sektorit të dekantimit në kompaninë e naftës ku ndodhi shpërthimi. Shefi nuk ka marrë masat e nevojshme të sigurimit teknik.

NJOFTIMI

Specialistët për Hetimin e Krimeve në Komisariatin e Policisë Mallakastër arrestuan shtetasin E. A., 40 vjeç, banues në Fier (Shef i sigurimit teknik pranë sektorit të dekantimit në një kompani nafte). Arrestimi i këtij shtetasi u bë pasi në datën 03.05.2021, në fshatin Kash, Mallakastër, për shkak të mosmarrjes së masave të sigurimit teknik, në sallën e pompave të sektorit të dekantimit të kompanisë së naftës ka shpërthyer një pompë centrifugale, ka marrë flakë tubacioni dhe për pasojë është dëmtuar me djegie operatori i prodhimit, shtetasi V. B., 50 vjeç, i cili ndodhet në spital, nën kujdesin e mjekëve.

Materialet i kaluan Prokurorisë pranë Gjykatës së Shkallës së Parë Fier, për veprën penale “Shkelja e rregullave të mbrojtjes në punë”.

Lajme të ngjashme
Lini një Koment

Adresa juaj e e-mail-it mbahet e fshehur.