Shtatori i këtij viti ka shënuar një rritje të numrit të aksidenteve rrugore me 13.1% krahasuar me shatorin e 2019-ës.
Sipas Institutit të statistikave edhe numri i jetëve të humbura sgatë këtij muaji është më i lartë krahasuar me të njëjtën periudhë të një viti më parë. ndërkohë nuk është e njëjta tendecë sa i takon numrit të aksidenteve për 9 muajt e parë të vitit . INSTAT bënë publike shifrat të cilat tregojnë për një rënie të numrit të aksidenteve rrugore me 20.5% më pak se 9 muajt e parë të vitit 2019.
Në muajin Shtator 2020, aksidentet rrugore, në 89,9 % të rasteve, kanë ndodhur si pasojë e sjelljes së drejtuesit të mjetit kryesisht nga grup-mosha 25–34 vjec, situata ndryshon kur bëhët fjalë për 9 mujorin e këtij viti, ku rezulton se shumica e aksidenteve kanë ndodhur si pasojë e sjelljes së këmbësorit.
Sipas Institutit të Statistikave qytetet me numrin më të madh të aksidenteve rrugore janë Tirana me 27 të tillë nga janari deri në muajin shtator , e ndjekur nga Durrësi me 20 aksidente gjithsej gjatë 9 muajve të parë të këtij viti. ndërsa qyteti me numrin më të ulët të aksidenteve rrugore është Dibra , me 3 aksidente gjithsej.
